Sirillus

”Ruotsalaisen kirjallisuuden suuret maakunnat ovat aivan liian harvoin mainittuja kulttuuriaarteita. Gunnar D Hanssonin länsiruotsalainen rannikko, Walter Lingquistin Itägötlanti, Strindbergin saaristo Tukholmassa, Lars Gustafssonin Västmanland, Sara Lidmanin Västerbotten, Bengt Pohjasen Tornionlaakso, Birgitta Trotzigin Skåne…”

(Ulf Eriksson Göteborgs – Posten:ssa 31.7.2003)

Jänniä matkakohteita ja käymispaikkoja

Bengt Pohjasen Meänmaa –

matkakohde ja reisupaikka joka räihäyttää rajat

Kassan kylän Joppariranta
Sotaooppera HaaparantaTornio
26. kesäkuuta – 12. heinäkuuta 2009
Tarinoita Haaparannala
Ortodoksikirkko Ylikaihnuussa/Överkalixissa

Kassan kylän Joppariranta –
20 km pajalasta etehlään käsin

Kirjailia itte oon paikan päälä näyttmässä paikkoja, joila Jopparikuninkaan poika-romaanin villit tarinat oon tapahtunheet. Bengt Pohjanen oon Pohjolan lyömätön tarinoitten kertoja.

Käy Jopparirannala ja mene sitte kathoon Sotaoopperaa Haaparannale! Soon jotaki!

SMUGGLARKUNGENS SON

JOPPARIKUNINKAAN POIKA (MINERVA 2006)

Bengt Pohjasen uusi romaani, Smugglarkungens son, Norstedts, 2007, julkasthiin elokuussa ja sai villin hyvät arvostelut, aivan huimaavan hyvät. Tässä ruottiksi joitaki.
Tässä arvosteluja:

”Smugglarkungens son mäter sig med vilken sprakande latinamerikansk magi som helst.” (Britt Dahlström, P1 OBS 30.8.2007).

”Ja, sannerligen, Bengt Pohjanen är en av våra märkligaste författare.” (Mats Gellerfelt, Svenska Dagbladet).

"Det är en stark skildring, gripande och djupt mänsklig men likväl skriven med ett brinnande rättvisepatos - med utanförskapets spruckna och vassa blick. ”Smugglarkungens son” är inte bara en memoarbok. Den är en tidsskildring, en bok om livet i Tornedalen under fyrtio- och femtiotalen, av sällsynt drabbande sort." (Crister Enander, Helsingborgs Dagblad).

"I ljuset av denna barndomserfarenhet kan jag inte annat än fascineras och imponeras av den mästerliga erövring av svenskan som Pohjanen gjort. Språket i Smugglarkungens son sjunger, lever och brusar." (Paulina Helgeson, Kyrkans Tidning).

”En av de längsta skrönorna handlar om den stora kaffesmugglingen och bär spår av verklig händelse traderad till saga med alla de inslag en bra saga skall ha, en klipsk ung man, en grundlurad polis och ett härligt kalas på slutet.” (Ingrid Elam, Dagens Nyheter).

”Med Smugglarkungens son befäster Bengt Pohjanen sin ställning som Norrbottens främste författare.” (Jan-Olov Nyström, Norrbottens Kuriren).

KERTOJA

Bengt Pohjanen oon Tornionlaakson kirjailia, joka 35 vuotta oon kertonu Tornionlaakson Meänmaasta kirjoissa, näytelmissä, kuunelmissa, elokvuvissa, lauluissa, esityksissä ja tarinoissa.

Bengt Pohjasen paikka, Sirillus, joka oon Överkalixin kunnassa, 50 km rajalta läntheen, oon tullu kymmenille tuhansille tutuksi vuosein varrela. Käviöitä oon ollu koko mailmasta. Täältä löytyy ortodoksinen kirkko. Täälä Bengt Pohjanen dramatisoi ja ohjasi Dostojevskin Karamazohvin veljekset –näytelmän 1998. Ruottin televisuuni oli vuen följyssä ja siittä tuli soma filmi, jota näytethiin 1.1.1999.

Bengt Pohjasen Meänmaa oon monikielinen, monikulturellinen ja ylheisinhiimilinen. Bengt Pohjanen oon sanonu, ett Tornionlaakson Meänmaa oon näyttämö, jolla ihmisen kohtalo hahmottuu. Hänen Tornionlaakso kasuaa yli kaikitten rajoitten: maantieteeliset ja metafyysiset. Tornionlaakso oon iso matkatoimisto, reisupyyroo. Sieltä menhään Detrothiin Titaniikilä, uihaan ko laivat uppoaava, kontathaan Ruijan taihvaanvinkin kautta Alsakhaan ja liftathaan Kanathaan, jossa punarokit oon rohki mukavamat ko Meänmaan hurtat. Menhään Brasilian Gevalia-kahvipelloile ja ostethaan intiaanilta maakappale, niinku Laestadiuksen tyär Soppa teki. Ja ko reisukohtheet loppuva eikä piljettiä ennää ole niin tilathaan kristalliarkki, jolla meinathaan pyhkästä 666. meänmaalaisen kans Palestiinan isole tyämaale, jolla Jumala rakentaa tuhatvuotista riikiä. Näin Meänmaasta tulleeki kosmoksen keskus.

SOTAOOPPERA

26. kesäkuuta – 12. heinäkuuta 2009 Bengt Pohjasen ja Kaj Cgydeniuksen SOTAOOPPERA saapi ensi-illan HaaparantaTorniossa. Tämä oon trilogian kolmas ja suuriin esitys. Joppausooppera ja Laestaidusooppera oon saahneet loistavat vasthaanotot.
Osta nyt jo piljetti, ettet jää kyytistä! Sotaoopperan etusivu!
Saattaa ostaa paketin. Bengt Pohjanen kertoo Jopparirannala ja juovattaa Laestadiusta Pajalassa ja Köngäsessä. Saatat samala käyä kattomassa Ortodoksista kirkkoa ja ikonigalleriata Överkalixissa (Ylikaihnuussa). Saattaa kuunela Tarinakuninkasta Haaparannala kans.

Ortodoksikirkko Ylikainuussa

Överkalixissa, Ylikaihnuussa, oon Norrbottenin ja koko Norlannin ensimäinen ja ainua ortodoksikirkko. Täälä oon ikonimaalari Monika Pohjasen ikonit ja taideteokset.

Bengt Pohjanen näyttää, kertoo ja Monika Pohjanen kertoo ikonista ja taitheelisesta työsthään Sirilluksessa – niinku paikan nimi oon. Täälä saattaa jua kahvit ja syä louhnaan kans

Vierailun saattaa yhistää Jopparirannan ja uupperan kans.

Land i lågor: när tyskarna brände Tornedalen

Saksan tuli polttaa - kertomus Lapin sodasta/
Saksan liekit polttava - tarina evakkosta

Rapeat 60 vuotta aikaa Tornionlaakso oli liekissä ko saksalainen poltti. Bengt Pohjasen kirja Saksan tuli polttaa kertoo tästä.

Pänktti tietää lissää.

KORPELANLIIKE

Mestarikertoja saattaa kans kertoa villistä korpelanliikheestä.

Sähköposti: info@sirillus.se